Клин Энержи ХХК нь Төв аймгийн Сэргэлэн сумд байрлах Салхит салхин цахилгаан станцын ашиглалтыг хариуцдаг ба манай компанийн гадаад улсаас татан авчирдаг ачаа, сэлбэг, материалыг “Салхит“ салхин цахилгаан станцад хүргэх, хүлээлгэн өгөх бүхий л үйл ажиллагааг МонЭкс компани хариуцан ажилладаг. МонЭкс-ийн үйлчилгээ найдвартай, төлбөрийн уян хатан нөхцөлтэй, баг хамт олон нь хариуцсан ажилдаа сэтгэл гарган ажилладаг ажилч хичээнгүй хамт олон санагддаг. Клин Энержи ХХК нь МонЭкс-ийн үзүүлж буй үйлчилгээнд үргэлж сэтгэл хангалуун байдаг.

Моннис Групп компани нь автомашин, уул уурхайн техник тоног төхөөрөмж, сэлбэг хэрэгслийг тээвэрлэх логистикийн цогц үйлчилгээг авах хэрэгцээ шаардлагын хүрээнд “Монгол Экспресс” ХХК-тай 2000 оноос хойш 20 жилийн хугацаанд хамтран ажиллаж ирсэн. Монэкс компанийн хамт олон, тээврийн мэргэжилтнүүд чадварлаг, туршлагатай бөгөөд бидэнд тээврийн оновчтой шийдэл, шуурхай, найдвартай, уян хатан үйлчилгээ үзүүлж ирсэн явдал нь өнөөдрийг хүртэл хамтран ажиллах гол шалгуур болж байдагт бидний хувьд сэтгэл хангалуун байдаг. Танай хамт олонд улам их амжилтыг хүсье.

“Тоёота Сэйлс Монголиа” ХХК нь тээврийн салбарт 20 гаруй жилийн арвин туршлагатай, итгэлтэй ISO 9001:2015 олон улсын чанарын стандартыг нэвтрүүлсэн “Монгол Экспресс” компанитай хамтран ажиллаж байгаадаа тун их сэтгэл хангалуун байдаг. Манай TOYOTA брендийн авто сэлбэг, бүтээгдэхүүн, үйлчилгээ Монголын маань хэрэглэгчдийн гарт цаг хугацаандаа, саадгүйгээр, гол нь баталгаатай түргэн шуурхай хүрч, хэрэглэгчдийн найдвартай түнш болоход Монгол Экспресс компанийн оруулсан хувь нэмэр үнэлж баршгүй учраас бид хамтран ажиллахдаа ямагт таатай байдаг. Бидний торгон мөч бүрт хамт яваа Монгол Экспресс компанийн хамт олондоо талархал илэрхийлье.